इजिप्ट—उत्तरी इजिप्टको सियानी क्षेत्रको एउटा सुफी मस्जिदमा भएको आक्रमणमा कम्तिमा २३५ जनाको मृत्यु भएको छ। अन्तर्राष्ट्रिय मिडियाका अनुसार घटनामा १०९ भन्दा बढी घाइते भएका छन्।
स्थानीय मिडियाको अनुसार, इजिप्टको भूमिमा अहिलेसम्मको सबैभन्दा भयानक आतंककारी हमला हो। मस्जिदभित्र शुक्रबार प्रार्थना गरिरहेको बेला पहिला दुई वटा ठूला बम विस्फोट भएका थिए। त्यसपछि हतियारधारीले फायरिङ सुरु गरेका थिए।
एसोसिएटेड प्रेसका अनुसार चार गाडीमा आएका आतंककारीले नमाज पढिरहेका बेला गोली चलाउन सुरु गरेका थिए। इजिप्टका राष्ट्रपति अब्दुल फतह अल सीसीले घटनापछि सुरक्षा प्रमुखहरुसँग आपतकालीन बैठक गरेका छन्।
स्थानीय मिडियाका अनुसार शुक्रबार नमाज पढ्ने समयमा अल आरिस नजिकै अल रावदाको एक मस्जिदमा यो घटना भएको हो।