अहिले सामाजिक सञ्जालमा देखिएका टिका टिप्पणीहरूले अनलाइन समाचार साइटहरूमा खुबै चर्चा बटुलेका छन्। वक्तव्यहरू हेर्दा ख्रीष्टियन धर्म पनि कुनै राजनीतिक दल हो भन्ने बुझिन्छ। अब स्थानिय मण्डलीहरू प्रार्थान संगतिमा अलि बलियो हुने कि? स्थानीय चर्चको संगतिभन्दा संयूक्तरुपमा गरिएका एउटा व्य्कतिको निर्णयमा हुने संगतिहरूलाई सहभागि हुन उचित देखिदैन।
अब विचार गर्नुपर्यो चर्चमा सेवा गर्नको लागि अभिषिक्त गरिएका पास्टर ज्यूहरू… तपाईहरूको सामान्य समूह र उच्च स्तरका समूहले नेपालका मण्डलीलाई र आउने युवा पिढींलाई कस्तो सन्देश दिँदै हुनुहुन्छ?? ख्रीष्टको मण्डलीमा कस्तो गवाही दिँदै हुनुहुन्छ? कहिल्यै गम्भिर भएर प्रार्थना गर्नुभएको छ?? सोच्नु भएको छ?? सामान्य समूह र उच्च स्तरीय भनेर भनेर मुल्याङ्कन गर्नेले, तपाईहरूको चर्तिकला हेरेर कलम चलाउने यूवाहरु कुन समूहमा पर्छन?? उत्तर पाउन सकिन्छ कि?? हैन भने अब ख्रीष्टियन शब्द लेखेका संस्था र व्यानरलाई पट्याएर झोलामा पो राख्ने हो कि??
ख्रीष्टको नाउँमा विश्वास गरेर पाउने कष्टभन्दा को ठूलो भन्ने लडाई र कुन पार्टीलाई भोट दिने भन्ने लडाईले अहिलेका मण्डलीलाई समस्यामा पार्ने हुनकि भन्ने डर ह्वातै बढेको छ। बाइबलमा स्पष्ट लेखिएको छ बरदानहरूको बारेमा प्रशासन चलाउनेले वा राजनीति गर्नेले राजनीति गरोस। प्रचार गर्नेले प्रचार गरोस, मण्डलीको सेवा गर्नेले मण्डलीको सेवा गरोस्।आफूलाई दिइएको बरदान अनुसार चलेमा मण्डलीहरूमा धेरै जागृति आउनेछ। किन खिचा तानी गर्नुपर्यो?